Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Cirque du Soleil torna a Xixón el 1 d'agostu de 2019 con Kooza

| Realiza tu reserva

Votos

(Total de votos recibidos 82)

(Puntuación 2,93)

circo del sol
Entraes a la venta a partir del 3 d'avientu.
A Cirque du Soleil-y prestar tornar a Xixón cola so carpa azul y mariella carauterística (Grand Chapiteau) pa presentar la so produición espectacular, KOOZA: un homenax ablucante y coloríu a la tradición del circu que se va estrenar el 1 d'agostu y se va representar un tiempu llendáu nel Cai de la Osa (Puertu El Musel).

Cirque du Soleil nun afitara la so carpa en Xixón dende l'estrenu de Varekai en 2009. Enantes, visitaron la ciudá otres dos produiciones baxo la carpa: Saltimbanco (2004) y Alegria (2007).

Entraes online yá disponibles en www.cirquedusoleil.com/kooza

Sobre KOOZA

Cirque du Soleil amuesa de nueves el so orixe tornando a la parte humana más íntima y esencial del circu. KOOZA combina acrobacies emocionantes col arte de los payasos. Siguimos al Inocente nel so camín hacia l'autodescubrimiento al traviés d'un reinu cómicu de personaxes escéntricos, emociones lletrizantes y sorpreses poco convencionales.

Por aciu d'una esplosión de colores, KOOZA ábrese como una caxa enxoyada de xuguetes prindando la maxinación del espectador y acelerándo-y'l pulsu. El rendimientu humanu n'estáu puru remanez equí rescamplante y fráxil.

Un elencu internacional de 50 acróbates, músicos, cantantes y actores úfrenos emocionantes peripecies y payasaes pa españar de risa, acompañáu d'una banda sonora en direuto que fusiona jazz, funk y ritmos de Bollywood.

«KOOZA ye un espectáculu que combina a la perfeición los soníos socontinentales, la so illuminación ablucante y el so vestuariu con una inxenuidá teatral y maraviyes acrobátiques». The Independent, Londres

«… un espectáculu emocionante enllenu de momentos con acrobacies cargaos de tensión». Los Angeles Times

«KOOZA ye una torna a los oríxenes, nél atopamos los habituales y elásticos contorsionistes, atrevíos equilibristes y otros temerarios que desafíen a la gravedá. Pero lo que diferencia a esta produición nueva ye qu'equí Cirque du Soleil añede dalgún caos cuidadosamente coreografiáu y un toque de les antigües barraques… colo que realmente s'esfruta ye colos payasos, son realmente risonderos». The New York Times

«… paróseme'l corazón, contuvi l'aliendu y hasta un glayíu afogáu». The Daily Mail, Reinu Xuníu

CIRQUE DU SOLEIL - KOOZA – Xixón 2019
Abre les sos puertes el 1 d'agostu y tará na ciudá per tiempu llendáu.

Sobre Cirque du Soleil

Ñacíu en 1984 con un grupu de 20 artistes caleyeros, Cirque du Soleil ye una organización importante de Quebec qu'ufre espardimientu artísticu d'alta calidá. La compañía tien al so cargu cerca de 4000 empleaos, incluyendo 1400 artistes de más de 50 países distintos.

Cirque du Soleil tien maraviyao a más de 190 millones d'espectadores en más de 450 ciudaes d'unos 60 países de 6 continentes.
Palabras clave Turismo, 2019