Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Gijón Sound 2019

Votos

(Total de votos recibidos 25)

(Puntuación 2,96)

GIJON SOUND FESTIVAL 2019
Gijón Sound Festival, que tien a Divertia como patrocinador principal, celébrase los díes 4, 5, 6 y 7 d’abril. El tema principal del alcuentru va ser LA MUYER. Abonos y entraes simples, yá a la venta en www.gijonsoundfestival.com
Gijón Sound Festival va celebrase los díes 4, 5, 6 y 7 d’abril en dellos espacios de la ciudá. Gijón Sound 2019 va tener LA MUYER como tema central, sofitando el nuevu xurdir del protagonismu de les muyeres y la so inclusión y desendolcu en toles estayes de la vida social y cultural, y apostando pola presencia de muyeresnel ámbitu de la industria cultural.

Gijón Sound apuesta por artistes internacionales y nacionales de sonadía, amás de pola escena rexonal y llocal: Adolfo Sputnik, Dorian Wood, Guille Milkyway, Human Beans, Jacco Gardner, Jungle By Night, King Salami and The Cumberland Three, La Casa Azul, Latacher, Los Vinagres, Maui (AIE), Møna, Morgan (Conciertu Mahou Cinco Estrellas), Rachel Eckroth, Rozalén, Rufus Wainwright, San Jerónimo, Santero y Los Muchachos, Stone Foundation, Sumisión City Blues, SuperSiderS, The Fleshtones, The Mani-las y Yelle Club Party.

La música sigue siendo el conductor, pa siguir ufiertando otres espresiones artístiques como’l teatru, la lliteratura y el cine. Gijón Sound va tener, anguaño, la representación de la obra teatral BBBB de la agrupación Señor Serrano, nel Teatru Xovellanos el vienres 5 d’abril. La entrada ta incluyida nel abonu. Tamién van proyectase dos películes, en collaboración col Festival Internacional de Cine de Xixón: Shut Up And Play The Piano (sobre la vida del escéntricu pianista Chilly Gonzales) y When You’re Strange (sobre los míticos The Doors). Les proyecciones van allugase’l vienres 5 y el sábadu 6 d’abril, respeutivamente, na Escuela de Comercio. Tamién habrá una timba poética de manos de Fame Poétika, el sábadu 6 d’abril nel Antiguu Institutu, amenizada pola banda asturiana San Jerónimo.

Gijón Sound 2019 presenta dos novedaes principales nesta edición. Per un llau, créase l’espaciu Gijón DeMuestra, col que se puxa por Xixón como motor económicu y social, y se fai de la nuesa villa una fábrica d’idees y servicios que sirvan pa potenciar el nuesu territoriu asturianu, curiando siempres la so sostenibilidá y los xeitos de so.

Gijón DeMuestra plantega una axenda d’actividaes alternatives y de baldre, ente les que tan alderiques, feries, talleres, presentaciones y charres sobre temes d’actualidá, conferencies y meses redondes sobre’l papel de la muyer na música, proyecciones de películes y charres sobre nutrición.

Per otru llau, entámase Festinfante, un mini festival empobináu a los más pequeños de la casa, que va allugase’l domingo pela tarde na plaza Mayor cola actuación de Festykids y Las Eléctricas.

Yá a la venta los abonos y entraes simples en www.gijonsoundfestival.com/entradas

Tola información sobre los conciertos y les actividaes de Gijón DeMuestra pue atopase nel blog y sección de programación de www.gijonsoundfestival.com

ACTUACIONES MUSICALES


VIENRES 5 D’ABRIL

The Mani-las + Jacco Gardner's Somnium
Acapulco. 21:00 hores
15€ anticipada / 18€ taquilla

SuperSiderS + Los Vinagres
Swami Ballroom. 23:59 hores
5€ anticipada / 8€ taquilla

SÁBADU 6 D’ABRIL

Sesión vermú: Stone Foundation + Jungle By Night
Escenariu Mahou - Plaza Mayor. 13:00 hores
De baldre

Dorian Wood: Xavela Lux Aeterna
Paraninfo de La Llaboral. 18:00 hores
10€ anticipada / 12€ taquilla

Rozalén
Teatro de La Llaboral. 19:30 hores
Últimos abonos a la venta. Entraes simples escosaes

King Salami and The Cumberland Three + Sumisión City Blues + The Fleshtones
Sala Acapulco. 20:00 hores
10€ anticipada / 12€ taquilla

Morgan (Concierto Mahou Cinco Estrellas) + La Casa Azul
Escenario Mahou - Plaza Mayor. 21:00 hores
20€ anticipada / 25€ taquilla

Adolfo Sputnik + Guille Milkyway DJ + Yelle Club Party
Sala Albéniz. 23:59 hores
15€ anticipada / 18€ taquilla

Human Beans + Latacher
Swami Ballroom. 23:59 hores
5€ anticipada / 8€ taquilla

DOMINGU 7 D’ABRIL

Sesión Vermú: Santero y Los Muchachos + Møna
Escenario Mahou - Plaza Mayor. 13:00 hores
De baldre

Rachel Eckroth + Rufus Wainwright
Teatro de La Llaboral. 19:30 hores
22€ / 30€ / 55€